Category Archives: Main Dish – Non Veg

This Category comprises of Chettinad Non Vegetarian Main Dishes and Recipes

மீன் பஜ்ஜி

தேவை:

பெரிய மீன் – 5 எண்ணம்
எண்ணெய் – 200 கிராம்
காக் பஜ்ஜி மாவு – 200 கிராம் பாக்கெட்
கறிமசால் பொடி – சிறிதளவு
உப்பு, பூண்டு – சிறிதளவு

செய்முறை:

மீன்களை சுத்தப்படுத்தி வைத்துக் கொள்ளவும். பஜ்ஜி மாவுடன், பூண்டு சிறிது உப்பு, கறிமசால் பொடி சேர்த்து கரைத்து வைத்துக் கொள்ளவும். பின்னர் வாணலியில் எண்ணெய்யை ஊற்றி நன்கு சூடானதும் மீனை எடுத்து ஏற்கனவே கரைத்து வைத்த பஜ்ஜிமாவில் தேய்த்து எண்ணெய்யில் பொரித்து இருபக்கமும் சிவக்க வெந்ததும் எடுக்கவும். மீன் பஜ்ஜி ரெடி. மிகவும் சுவையாக இருக்கும்.

Advertisements

ரொட்டி

தேவை:

மைதா மாவு – 1 கிலோ
சீனி – 200 கிராம்
உப்பு – 10 கிராம்
டால்டா – 50 கிராம்
ஈஸ்ட் தேக்கரண்டி (டிரை ஈஸ்ட் என்று கடைகளில் பாக்கெட்டுகளில் விற்கப்படுகிறது).

செய்முறை:

ஈஸ்ட்டை வெதுவெதுப்பான தண்ணீரில் 1 தேக்கரண்டி சீனி கலந்து புளிக்க வைக்கவும். 10 நிமிடத்தில் மேல் பாகத்தில் நுரைத்து வரும். இந்த ஈஸ்ட்டை 1/4 கிலோ மைதாவில் கலக்கவும். நன்கு ஒன்று சேரக் கலந்தவுடன், தண்ணீர் விட்டு பிசைந்து கொள்ளவும். இந்த மாவை ஒரு பாத்திரத்தில் வைத்து ஈரத்துணியால் மூடி எட்டு மணி நேரம் புளிக்க வைக்கவும். இந்தப் புளிக்க வைத்த மாவை மேலே கூறிய 3/4 கிலோ மைதா, சீனி, உப்பு, டால்டா, முட்டை இவற்றுடன் சேர்த்துப் பிசையவும். மேலும் சிறிது தண்ணீர் விட்டுப் பிசைந்து வைக்கவும். பூரி, சப்பாத்தி மாவு போன்று இருக்கும் 30 நிமிடம் அப்படியே இருக்க வேண்டும். பின் ரொட்டி வேக வைக்கும் டப்பாவில் சிறிது நெய் அல்லது டால்டா தடவி, பிசைந்த மாவை டப்பாக்களில் வைக்கவும். மற்றுமொரு நிமிடங்களில் ரொட்டி டப்பாவில், மாவு பாதி எழும்பியவுடன் ரொட்டி கடும் அடுப்பில் வைத்துச் சுடவும்.

மட்டன் கோலா குழம்பு

தேவை:
மட்டன் – 1/2 கிலோ (கொத்தியது)
சின்ன வெங்காயம் – 25 கிராம்
பூண்டு – 25 கிராம்
தேங்காய் – 1/4 மூடி
மிளகாய்தூள் – 1 டேபிள் ஸ்பூன்
மஞ்சள்தூள் – 1/2 டீஸ்பூன்
இஞ்சி – 1 துண்டு
உப்பு – தேவையானது
எண்ணெய் – பொரிக்க

செய்முறை:
மேற்கண்ட பொருட்களை அதிகம் தண்ணீர் விடாமல் நைஸாக அரைத்து ஒரு முட்டை உடைத்து ஊற்றி சின்ன சின்ன உருண்டைகளாக உருட்டி எண்ணெயில் பொரித்து எடுத்து வைக்கவும்.

மசாலா குழம்பு செய்ய தேவையானவை:
தேங்காய் – 1/4 முடி
சோம்பு – 1 டீஸ்பூன்
பொட்டுக்கடலை – 2 டீஸ்பூன்
கசகசா – 1 டேபிள் ஸ்பூன்
மிளகாய்த்தூள் – 2 டேபிள் ஸ்பூன்
மேற்கண்ட பொருட்களை நைஸாக அரைத்து வைக்கவும். இப்பொழுது வாணலியில் 25 கிராம் எண்ணெய் ஊற்றி, தலா 1 டீஸ்பூனு பட்டை, கிராம்பு, சோம்பு போட்டு வதக்கி 100 கிராம் பெ. வெங்காயத்தை நறுக்கிச் சேர்க்கவும். பொன் நிறத்தில் வதங்கியதும் அரைத்து வைத்துள்ள மசாலாவை சேர்த்து வதக்கவும் பின் 50 கிராம் தக்காளியைச் சேர்த்து கிளறவும். சுண்டைக்காய் சைஸ் புளியை கரைத்து ஊற்றவும். தேவையான உப்பு சேர்க்கவும். ஒரு டம்ளர் வெந்நீர் சேர்த்து குழம்பு நன்றாக கொதித்து வந்ததும், எண்ணெயில் பொரித்து வைத்துள்ள உருண்டைகளைப் போடவும். குழம்பு 10 நிமிடம் கொதித்ததும் அடுப்பில் இருந்து இறக்கவும்.

ஃபிஸ் பய்

தேவை:
மீன் – 60 கிராம்
முட்டை – 2 அவித்தது
துருவிய சீஸ் – 1 மேஜைக்கரண்டி
சீஸ்சாஸ் – 1 கப்
உப்பு, மிளகுத்தூள் ,பார்சிலி இலை

செய்முறை:
மீனை சுத்தம் செய்து வெந்நீரில் போட்டு உடனே எடுக்கவும். மீன் புட்டு மாதிரி உதிர்க்க வரும். உதிர்த்த மீனில் எலுமிச்சம்பழச்சாறு உப்பு, மிளகுத்தூள் சேர்க்கவும். கேக் பாத்திரத்தில் ஒரு அடுக்கு முட்டை, ஒரு அடுக்கு மீன் என்று அடுக்கவும். துருவிய சீஸைத் தூவவும். சீஸ்சாஸை ஊற்றி, சாஸ் கேக் பாத்திரத்தில் கீழ்பாகம் வரை இறங்கும் படி வைத்திருந்து கேக் அடுப்பில் வேக வைக்கவும்.

மட்டன் தன்சக்

தேவை:
கறி – 1/2 கிலோ
து. பருப்பு – 1/2 கப்
கலந்த பருப்பு – 1/2 கப் (கடலை, பயத்தம் பருப்பு)
உருளைக்கிழங்கு – 1
கத்தரிக்காய் – 1
பெ.வெங்காயம் – 2
வெந்தயக்கீரை – 1 கட்டு
பரங்கிக்காய் துண்டு – 1
பூசணிக்காய் – 1
புளி – எலுமிச்சை அளவு
தக்காளி – 2
மஞ்சள்தூள் – 1/2 டீஸ்பூன்
எண்ணெய் – தேவையானது
உப்பு – தேவையான அளவு
மசாலா குழம்பு செய்ய தேவையானவை:
வெந்தயம் – 1/2 டீஸ்பூன்
மிளகு – 1/2 டீஸ்பூன்
மிளகாய் பொடி – 1 டீஸ்பூன்
சீரகம், தனியா பொடி – 2 டீஸ்பூன்
இஞ்சி – 1 சிறியதுண்டு
பூண்டு – 10 பல்
இலவங்கப் பட்டை – 1 சிறிய துண்டு
கொத்த மல்லி தழை – 1 சிறிய கட்டு

செய்முறை:
மட்டனை கழுவி சிறிய துண்டுகளாகச் செய்து கொள்ளவும். காய்களைக் கழுவி நறுக்கிக் கொள்ளவும். வெங்காயம், ப.மிளகாய், கொத்தமல்லி, வெந்தயக்கீரை இவற்றை நறுக்கிக் கொள்ளவும். பருப்புகளைக் கழுவி அரை மணி நேரம் ஊற வைக்கவும். இவற்றை குக்கரில் போட்டு 2 டம்ளர் தண்ணீர் விட்டு வேக வைத்துக் கொள்ளவும். மசாலாப் பொருட்களை புளித்தண்ணீர் பயன்படுத்தி விழுதாக அரைத்துக் கொள்ளவும். வாணலியில் எண்ணெய் விட்டு சிறிதளவு வெங்காயத்தை போட்டு பொன்னிறமாக வதக்கவும். அடுத்து மசாலாவை சேர்த்து நன்கு வதக்கவும். இவற்றுடன் வேக வைத்த கறி, பருப்பு, காய் கலவையை சேர்க்கவும். இந்த கலவை கெட்டியாகும் வரை கொதிக்க விடவும். பின்பு இந்த கலவையை நன்றாக மசிக்கவும். கொத்தமல்லி தழை தூவி பரிமாறவும்.

வறுத்த நண்டு

தேவை:
நண்டு – 5
இஞ்சி – 1 அங்குலம்
சின்ன வெங்காயம் – 50 கிராம்
மல்லி (தனியா) – 2 தேக்கரண்டி
தக்காளி – 1
சிகப்பு மிளகாய் – 10
சீரகம் – 1 தேக்கரண்டி
பூண்டு – 5 பல்
பெரிய வெங்காயம் – 3

செய்முறை:
நடுத்தரமான அளவு நண்டுகள் 5 எடுத்து ஓடு நீக்கி, சுத்தம் செய்து கொள்ளவும். 10 சிகப்பு மிளகாய்கள், 1 அங்குலம் இஞ்சி, 1 தேக்கரண்டி சீரகம், 50 கிராம் சின்ன வெங்காயம், 5 பல் பூண்டு, 2 தேக்கரண்டி மல்லி (தனியா) இவற்றை அரைத்துக் கொள்ளவும். 3 பெரிய வெங்காயத்தை நீளவாக்கில் நறுக்கிக் கொள்ளவும். 1 தக்காளியை மெல்லியதாக நறுக்கவும். வாணலியில் நல்லெண்ணெய் 10 தேக்கரண்டி ஊற்றி காய்ந்ததும், வெங்காயம், தக்காளி, கறிவேப்பிலை போட்டு வதக்கவும். இத்துடன் அரைத்த மசாலாவையும் சேர்த்து வதக்கி, வதங்கிய பின் 1 டம்ளர் தண்ணீர் ஊற்றி, தேவையான உப்பு, மஞ்சள் தூள் சேர்க்கவும். தண்ணீர் கொதித்தும் நண்டுகளைப் போடவும். நண்டுகள் வெந்து நன்கு வதங்கிய பின் இறக்கவும்.

கறிக்கோலா உருண்டை

தேவை:
கொத்துக்கறி – 1/2 கிலோ
சின்ன வெங்காயம் – 100 கிராம்
பெருஞ்சீரகம் – 3 தேக்கரண்டி
சீரகம் – 3 தேக்கரண்டி
பொட்டுக்கடலை – 50 கிராம்
பச்சை மிளகாய் – 5
மிளகாய் வற்றல் – 15
தேங்காய் – 1 முடி
முட்டை – 2
பெரிய வெங்காயம் – 3
பூண்டு – 50 கிராம்
கசகசா – 2 தேக்கரண்டி

செய்முறை:
1/2 கிலோ கொத்துக்கறியை சுத்தம் செய்து தண்ணீர் வற்றும் படியாக வதக்கி, இறக்கிக் கொள்ளவும். 3 பெரிய வெங்காயம், 100 கிராம் சின்ன வெங்காயம், 50 கிராம் பூண்டு, 3 தேக்கரண்டி பெருஞ்சீரகம் 3 தேக்கரண்டி சீரகம், 50 கிராம் பொட்டுக்கடலை இவற்றைத் தயாராக எடுத்துக் கொள்ளவும். வாணலியில் 3 மேஜைக்கரண்டி நல்லெண்ணெய் ஊற்றி காய்ந்ததும் மேற்கூறிய பொருட்கள் அனைத்தையும் நன்றாக வதக்கவும். வதங்கிய பின் ஆற விடவும். ஆறிய பின் அரைத்துக் கொள்ளவும். கசகசா 2 தேக்கரண்டி, 5 பச்சை மிளகாய், 15 மிளகாய் வற்றல், தேங்காய் 1 முடி துருவியது ஆகியவற்றைத் தனியாக வதக்கி, ஆறிய பின் அரைத்துக் கொள்ளவும். 2 முட்டைகளின் வெள்ளைக்கருவை மட்டும் எடுத்து, முட்டை அடிக்கும் கருவினால் நன்கு அடித்துக் கொள்ளவும். மஞ்சள் கரு ஒன்றினை எடுத்து முட்டை தனியே வைத்துக் கொள்ளவும். வதக்கிய கொத்துக்கறியை உரலில் போட்டு தேவையான உப்பு சேர்த்து ஆட்டிக் கொள்ளவும். ஆட்டிய கறியுடன் அரைத்த மசாலாக்கள் சிறிது மஞ்சள் தூள், அடித்து வைத்துள்ள மஞ்சள் கரு ஆகியவற்றைக் கலந்து, பிசைந்து உருண்டைகளாக தயாரித்துக் கொள்ளவும். வாணலியில் 300 கிராம் நல்லெண்ணெய் ஊற்றி, காய்ந்ததும் உருண்டைகளை கொஞ்சம் கொஞ்சமாக போட்டு பொரித்து எடுக்கவும். .