சுறா மீன் புட்டு

தேவை:
பால் சுறா மீன் – 1/2 கிலோ
சிறிய வெங்காயம் – 1/4 கிலோ
பச்சை மிளகாய் – 4
மஞ்சள் தூள் – 1 டீஸ்பூன்
உப்பு – தேவையான அளவு
எண்ணெய் – தாளிக்க

செய்முறை:
மீனை பெரிய, பெரிய துண்டுகளாக நறுக்கி லேசாக உப்பு, மஞ்சள் சேர்த்து வேக வைக்கவும். பின்பு தோல், எலும்பு நீக்கி தூள் செய்து கொள்ளவும். வெங்காயம், ப.மிளகாயை பொடியாக நறுக்கிக் கொள்ளவும். வாணலியில் எண்ணெய் விட்டு வெங்காயத்தை போட்டு சிறிது நேரம் வதக்கவும். ப.மிளகாயை இதில் சேர்த்து வதக்கவும். தூள் செய்து வைத்துள்ள மீனை இதில் சேர்த்து நன்கு கிளறி இறக்கி விடவும். சூடாக பரிமாறவும்.

ரொட்டி
தேவை:
மைதா மாவு – 1 கிலோ
சீனி – 200 கிராம்
உப்பு – 10 கிராம்
டால்டா – 50 கிராம்
ஈஸ்ட் தேக்கரண்டி (டிரை ஈஸ்ட் என்று கடைகளில் பாக்கெட்டுகளில் விற்கப்படுகிறது).

செய்முறை:
ஈஸ்ட்டை வெதுவெதுப்பான தண்ணீரில் 1 தேக்கரண்டி சீனி கலந்து புளிக்க வைக்கவும். 10 நிமிடத்தில் மேல் பாகத்தில் நுரைத்து வரும். இந்த ஈஸ்ட்டை 1/4 கிலோ மைதாவில் கலக்கவும். நன்கு ஒன்று சேரக் கலந்தவுடன், தண்ணீர் விட்டு பிசைந்து கொள்ளவும். இந்த மாவை ஒரு பாத்திரத்தில் வைத்து ஈரத்துணியால் மூடி எட்டு மணி நேரம் புளிக்க வைக்கவும். இந்தப் புளிக்க வைத்த மாவை மேலே கூறிய 3/4 கிலோ மைதா, சீனி, உப்பு, டால்டா, முட்டை இவற்றுடன் சேர்த்துப் பிசையவும். மேலும் சிறிது தண்ணீர் விட்டுப் பிசைந்து வைக்கவும். பூரி, சப்பாத்தி மாவு போன்று இருக்கும் 30 நிமிடம் அப்படியே இருக்க வேண்டும். பின் ரொட்டி வேக வைக்கும் டப்பாவில் சிறிது நெய் அல்லது டால்டா தடவி, பிசைந்த மாவை டப்பாக்களில் வைக்கவும். மற்றுமொரு நிமிடங்களில் ரொட்டி டப்பாவில், மாவு பாதி எழும்பியவுடன் ரொட்டி கடும் அடுப்பில் வைத்துச் சுடவும்.
மீன் பஜ்ஜி
தேவை:
பெரிய மீன் – 5 எண்ணம்
எண்ணெய் – 200 கிராம்
காக் பஜ்ஜி மாவு – 200 கிராம் பாக்கெட்
கறிமசால் பொடி – சிறிதளவு
உப்பு, பூண்டு – சிறிதளவு

செய்முறை:
மீன்களை சுத்தப்படுத்தி வைத்துக் கொள்ளவும். பஜ்ஜி மாவுடன், பூண்டு சிறிது உப்பு, கறிமசால் பொடி சேர்த்து கரைத்து வைத்துக் கொள்ளவும். பின்னர் வாணலியில் எண்ணெய்யை ஊற்றி நன்கு சூடானதும் மீனை எடுத்து ஏற்கனவே கரைத்து வைத்த பஜ்ஜிமாவில் தேய்த்து எண்ணெய்யில் பொரித்து இருபக்கமும் சிவக்க வெந்ததும் எடுக்கவும். மீன் பஜ்ஜி ரெடி. மிகவும் சுவையாக இருக்கும்.

அசைவ சமையல் குறிப்புகள்
கறி பிரியாணிதேவை:பிரியாணி அரிசி – 1/4 படிகறி – 250 கிராம்தேங்காய் – 1/2 முடி பால் எடுக்கவும்இஞ்சி – 3 அங்குலம் அரைப்பதற்குபூண்டு – 1நெய்யில் வறுத்த பட்டை – 1 அங்குலம்கிராம்பு – 6கொத்தமல்லி – 2 டீஸ்பூன் (வறுத்தது)புதினா, கொத்தமல்லி தழை பெல்லாரி – 2மிளகாய் – 6ஏலக்காய் – 6பெருஞ்சீரகம் – 1 டீஸ்பூன்
செய்முறை: அரிசியை கல்நீக்கி சுத்தம் செய்து வடிகட்டி வைக்கவும். பிரஷர் குக்கரில் வெட்டிய காய்கறித்துண்டுகளை உப்பு, மஞ்சள் 1/8 படி நீர் சேர்த்து வேக வைக்கவும். வாணலியில் எண்ணெய் அல்லது நெய் ஊற்றி நீளமாக அரித்த வெங்காயம், புதினா மல்லி இலை சேர்த்து வதக்கவும். அரைத்த மசால், அவித்த கறி, அரிசியையும் சேர்த்து 2 நிமிடம் கிளறி இறக்கவும். பிரஷர் குக்கரில் கறி வெந்த தண்ணீர் தேங்காய் பால் சேர்த்து அரை படியாக்கி கொதிக்க வைக்கவும். கொதிக்கும் தேங்காய்ப் பாலில் வதக்கிய மசால் அரிசி, கறி, இவற்றையும் உப்பும் சேர்த்துக் கிளறி இளந்தீயில் குக்கரை வெயிட் வைத்து மூடி 10 நிமிடத்தில் இறக்கவும்.
மீன் ரோஸ்ட்செய்முறை: 500 கிராம் மீனை சுத்தம் செய்து துண்டுகளாக்கிக் கொள்ளவும் 1 தேக்கரண்டி மிளகுத்தூள், 1 தேக்கரண்டி தனியா தூள், 1 தேக்கரண்டி சீரகத்தூள், அரை தேக்கரண்டி மஞ்சள் தூள், தேவையான உப்புத்தூள் இவற்றை சிறிதளவு தண்ணீரில் கலந்து மீன் துண்டுகள் மீது தடவி 30 நிமிடங்கள் ஊற விடவும். அதன் பின் வாணலியில் 300 கிராம் இதயம் நல்லெண்ணெய் ஊற்றி, சூடேறியதும் மீன் துண்டுகளைப் போட்டு பொறித்து எடுத்து உபயோகிக்கவும். 2 முட்டைகளை அடித்து மீன் துண்டுகளை அதில் நனைத்து எடுத்தும் வறுக்கலாம். (ளிஜீtவீஷீஸீணீறீ) நறுக்கிய வெங்காயம், கொத்த மல்லித்தழைகளை எலுமிச்சை சாறு கலந்து பரிமாறலாம்.
கோழி வறுவல்தேவை:கோழி (எலும்பு நீக்கப்பட்ட நடுத்தர சைஸ் துண்டுகள்) – 1இஞ்சி, பூண்டு சாறு – 1 டேபிள் ஸ்பூன்மிளகாய்தூள் – 2 டேபிள் ஸ்பூன்எலுமிச்சை சாறு – 1 டேபிள் ஸ்பூன்மஞ்சள் தூள் – 1 டீஸ்பூன்எண்ணெய் – தாளிக்கஉப்பு – தேவையான அளவு
செய்முறை: கோழிக்கறி, இஞ்சி, பூண்டு சாறு, மிளகாய்தூள், மஞ்சள்தூள், எலுமிச்சை சாறு, உப்பு ஆகியவற்றை நன்றாக கலந்து 1/2 மணி நேரம் ஊற வைக்கவும். பின்பு ஒவ்வொரு துண்டாக எண்ணெயில் பொன்னிறமாக பொரித்து எடுத்து பரிமாறவும்.
கோழி பஜ்ஜிதேவை:காக் பிராண்ட் பஜ்ஜி மாவு – 200 கிராம் (பாக்)மிளகாய்தூள் – 2 டீஸ்பூன்உப்பு – சிறிதளவுநெஞ்சுக்கறி கோழி – 500 கிராம்எண்ணெய் – 200 மி.லி.
செய்முறை: கோழிக்கறியை விரல் நீள துண்டுகளாக வெட்டி கழுவி தண்ணீர் இல்லாமல் பிழிந்து சிறிது உப்பு மிளகாய் தூள் தூவி ஊற வைக்கவும். வாணலியில் எண்ணெய் காய வைத்து (பஜ்ஜி மாவில் கரைத்துக் கொள்ளவும்). கரைத்த மாவில் கோழிகறி துண்டுகள் தேய்த்து எண்ணெயில் பொரித்து எடுக்கவும். இது சுவையாக இருக்கும்.
ஆட்டுக்கால் சூப்தேவை:ஆட்டுக்கால் – 4சீரகம் – 2 தேக்கரண்டிசின்ன வெங்காயம் – 10மிளகு – 3 தேக்கரண்டிமல்லி (தனியா) – 2 தேக்கரண்டிபல் பூண்டு – 5
செய்முறை: 4 கால்களை சுத்தம் செய்து துண்டுகளாக்கிக் கொள்ளவும் 3 தேக்கரண்டி மிளகு 2 தேக்கரண்டி சீரகம், 2 தேக்கரண்டி மல்லி (தனியா) 10 சின்ன வெங்காயம், 5 பல் பூண்டு, இவற்றை அரைத்துக் கொள்ளவும். பிரஷர் குக்கரில் 8 டம்ளர் தண்ணீர் ஊற்றி இத்துடன் அரைத்த மசாலா கால் துண்டுகள் மஞ்சள் தூள் தேவையான உப்பு சேர்த்து அடுப்பில் வைக்கவும். விசில் சப்தம் கேட்டு 20நிமிடங்கள் கழித்து இறக்கவும். திறக்க வந்த பின், வாணலியில் 2 தேக்கரண்டி இதயம் நல்லெண்ணெய் ஊற்றி, காய்ந்ததும் சிறிதளவு கறிவேப்பிலை போட்டு தாளித்து வேக வைத்த கால்கறியுடன் சேர்த்து கிளறவும்.
சிக்கன் அடைதேவை:காக் அடை மாவு – 500 கிராம்மிளகுத்தூள் – 1/2 ஸ்பூன்இஞ்சி, பச்சை மிளகாய் – சிறிதளவுகோழிக்கறி – 250 கிராம்மஞ்சள் தூள் – 1/2 ஸ்பூன்பூண்டு, வெங்காயம் – சிறிதளவு
செய்முறை: கோழிக்கறி எலும்பு இல்லாமல் சிறுதுண்டுகளாக வெட்டிக் கொள்ள வேண்டும். உப்பு, மஞ்சள்தூள், மிளகுத்தூள் சேர்த்து வைத்து சிறிது தயிர் ஊற்றி 1/2 மணி நேரம் ஊற வைக்க வேண்டும். அடைமாவை தண்ணீரில் ஊற்றி வெங்காயம் இஞ்சி, பூண்டு, பச்சைமிளகாய் நறுக்கி போட்டு ஊறவைக்க வேண்டும். அதனுடன் ஊற வைத்த கோழிக் கறியை கலக்க வேண்டும். பிறகு தோசை கல்லில் ஊத்தப்பம் போல் எண்ணெயில் ஊற்றி சுட வேண்டும். இது சுவையாக இருக்கும்.
தலைக்கறிக்குழம்புதேவை:சுத்தம் செய்த ஆட்டுத்தலை – 1 (வெட்டியது)மல்லி விதை – 2 தேக்கரண்டிதேங்காய் – 1/2 முடிவெங்காயம் – 10நல்லெண்ணெய் – 5 கரண்டிஉப்பு, மஞ்சள் தூள் வற்றல் – 10சீரகம் – 2 தேக்கரண்டி
செய்முறை: குக்கரில் எண்ணெய் ஊற்றி வெங்காயத்தை வதக்கி, அரைத்த சீரகம், வற்றல், மல்லியையும் போட்டு வதக்கி கறியைப் போட்டு உப்பு, மஞ்சள் தூள் போட்டு வதக்கி தேங்காய்ப் பால் ஊற்றி வேக வைக்கவும்.
சைனீஸ் சிக்கன் பிரைய்தேவை:அஜினோ மோட்டோ சால்ட் – 1/4 தேக்கரண்டிவெடக்கோழி – 1சோயா சாஸ் – 1 கப்வினிகர் – 1/2 கப்நல்லெண்ணெய் – 2 தேக்கரண்டிஉப்பு, மஞ்சள் பெல்லாரி வெங்காயம் – 2மிளகுத்தூள் – 2 டீஸ்பூன்கார்ன்பிளவர் – 3 மேஜைக்கரண்டிமைதா – 2 மேஜைக்கரண்டிபொரிப்பதற்கு டால்டா
செய்முறை: கோழியை எலும்புடன் சிறு உருண்டைத் துண்டுகளாக நறுக்கி அரைத்த வெங்காயம், மிளகுத்தூள், ஸாஸ், வினிகர் அஜினோமோட்டோ சால்ட், உப்பு. மஞ்சள் சேர்த்து அரை மணி நேரம் ஊற வைத்துக் குக்கரில் அரை வேக்காடு வேக வைக்கவும். பின் கார்ன் பிளவரையும் மைதா மாவையும் தண்ணீர் விட்டு கரைத்து வெந்த துண்டுகளை மட்டும் எடுத்து மாவில் தேய்த்து வாணலியில் காயும் டால்டாவில் போட்டு இரண்டிரண்டாக பொரித்து சிவந்ததும் எடுக்கவும்.

சில்லி சிக்கன்தேவை:கோழிக்கறி – 500 கிராம்பூண்டு – 5பச்சை மிளகாய் – சிறிதளவுஎண்ணெய் – 100 கிராம்பட்டை மிளகாய் – 1 ஸ்பூன் (அரைத்தது)வினிகர் – 1 ஸ்பூன்உப்பு – சிறிதளவு
செய்முறை: கோழிக்கறியை சுத்தம் செய்து சிறு துண்டுகளாக நறுக்கி வைத்துக் கொள்ளவும். ஒரு பாத்திரத்தில் கோழிக்கறி, வினிகர், உப்பு, மிளகாய் அரைத்தது, பூண்டு, பச்சை மிளகாய் அரைத்து போட்டு கிளறி 1/2 மணி நேரம் ஊற வைத்து கோழிக்கறி கலவையை போட்டு நன்றாக கிளற வேண்டும். அடுப்பை மிதமாக எறிய விடவும். சிறிது நேரம் வாணலியை மூடி வைக்கவும். கோழிக்கறி வெந்ததும் திறந்து மீண்டும் கிளறவும். எல்லாம் ஒன்றாக கலந்து நன்றாக வெந்து சுண்டி வரும் போது இறக்கி வைக்க வேண்டும். இது சுவையாக இருக்கும்.
கேரளா மீன் குழம்புசெய்முறை: 500 கிராம் வஞ்சிரம் அல்லது சுறா மீன் துண்டுகளை தயாராக வைத்துக் கொள்ளவும். 2 பெரிய வெங்காயம், 1 தக்காளி, 2 பச்சை மிளகாய்களை நறுக்கிக் கொள்ளவும். வாணலியில் 2 தேக்கரண்டி இதயம் நல்லெண்ணெய் ஊற்றி சூடேறியதும் 5 மேஜைக்கரண்டி தேங்காய் துருவல், 1 தேக்கரண்டி சோம்பு (பெருஞ்சீரகம்) இவற்றை வறுத்து எடுதுது வழுவழுப்பாக அரைத்துக் கொள்ளவும். வாணலியில் 5 தேக்கரண்டி இதயம் நல்லெண்ணெய் ஊற்றி, சூடேறியதும் நறுக்கிய வெங்காயம், 6 பல் பூண்டு, பச்சை மிளகாய், தக்காளி போட்டு வதக்கவும். வதங்கிய பின் 1 டம்ளர் வெந்நீர் ஊற்றவும். இதில் 1 தேக்கரண்டி மிளகாய் தூள், 1 தேக்கரண்டி தனியா தூள், மஞ்சள் தூள், தேவையான உப்பு போட்டு கொதிக்க விடவும். கொதித்ததும் மீன் துண்டுகளைப் போடவும், மீன் துண்டுகள் வெந்ததும், அரைத்த மசாலாவைப் போட்டு சில நிமிடங்கள் கொதித்ததும் வறுத்த கருவேப்பிலையைப் போட்டு, இறக்கி உபயோகிக்கவும்.
தந்தூரி சிக்கன்தேவை:கோழி – 1எலுமிச்சம்பழம் – 2தயிர் – 6 மேஜைக்கரண்டிசிகப்பு பவுடர் – 1/4 தேக்கரண்டிடால்டா – 25 கிராம்மிளகுத்தூள், உப்பு – தேவையானது  செய்முறை: கோழியை தோல் உரித்து பெரிய துண்டுகளாக வெட்டி முள் கரண்டியால் நன்றாக குத்தி எலுமிச்சம்பழச்சாறு பிழிந்து, தயிர், மிளகுத்தூளு, கலர் பவுடர் கலந்து 6 மணி நேரம் ஊற வைக்கவும். அடுப்புக்கரியை பெருக்கி கறியை சுத்தமான கம்பியில் குத்தி தணலில் சுட்டு எடுக்கவும். ஒரு ப்ளேட்டில் டால்டா ஊற்றி ஒவ்வொரு கறியாக சுடவும். ஒரு முறை சுட்டக் கறியை பிரட்டி மறுபடியும் கம்பியில் மாட்டி கறியை நன்றாக எல்லாப் பக்கமும் வேக விடவும். இதே போல் மற்ற எல்லாக் கறித்துண்டுகளையும் தயாரிக்கவும்.
சாப்ஸ் மீன்தேவை:நல்லெண்ணெய் – 100 மி.லி.கடுகு, சீரகம் – 2 ஸ்பூன்உப்பு – தேவைக்கேற்பமீன் துண்டுகள் – 6 எண்ணம்மிளகுத்தூள் – 2 ஸ்பூன்சோயா சாஸ் – சிறிதளவு
செய்முறை: முள் அதிகம் இல்லாத மீன் துண்டுகளை கழுவி சுத்தம் செய்யவும். வாணலியை அடுப்பில் வைத்து எண்ணெய் ஊற்றி காய்ந்ததும் கடுகு, சீரகம் போட்டு வதக்கவும். மீன், உப்பு, மிளகு தூள் சிறிது தண்ணீர் சேர்த்து கிளறி குறைந்த தீயில் வேக வைக்கவும். மீன் வெந்து பக்குவமானதும் சோயா சாஸ் சேர்த்து மீனை மெதுவாக பரப்பி எடுத்து இறக்கி மூடி வைக்கவும். ஆறியதும் உண்ணலாம்.
ஜிஞ்சர் சில்லி சிக்கன்செய்முறை: இஞ்சி 1 துண்டு பச்சை மிளகாய் 4 இரண்டையும் மிகப் பொடியாக வெட்டவும். வாணலியில் ஒரு கரண்டி டால்டா ஊற்றி நைசாக வெட்டிய இஞ்சி, மிளகாய் துண்டுகளை சிவக்க வதக்கி முன்பு சைனீஸ் சிக்கன் ப்ரையில் கூறிய படி பொரித்தெடுத்த கறித்துண்டுகளை அதில் போட்டு குக்கரில் மீதமுள்ள கிரேவியையும் ஊற்றி எண்ணெய் தெளியவும் இறக்கவும்.
வாத்து ரோஸ்ட்தேவை:வாத்து இறைச்சி – 1 கிலோமிளகாய்தூள் – 2 டேபிள் டீஸ்பூன்தனியாதூள் – 2 டேபிள் டீஸ்பூன்மிளகுதூள் – 1/2 டேபிள் டீஸ்பூன்மஞ்சள் தூள் – 1/2 டீஸ்பூன்சீரகத்தூள் – 1 டீஸ்பூன்பெ. சீரகத்தூள் – 1/2 டீஸ்பூன்கிராம்பு – 2பட்டை – 1 துண்டுபெ.வெங்காயம் – 1 கப்இஞ்சி – 1 துண்டுபூண்டு – 1வினிகர் – 1/2 டேபிள் டீஸ்பூன்உப்பு – தேவையானதுகடுகு – 1 டீஸ்பூன்உருளைக்கிழங்கு – 2எண்ணெய் – தேவையான அளவு
செய்முறை: இறைச்சியை பெரிய துண்டுகளாக நறுக்கவும். உருளைக்கிழங்கை அரை வேக்காடாக்கி ஒவ்வொன்றையும் 4 துண்டுகளாக நறுக்கவும். மசாலா பொருட்களை நைஸாக அரைத்து அதில் உப்பு, வினிகர் கலந்து கறியில் பிசைந்து 1 மணி நேரம் ஊற வைக்கவும். சிறிதளவு மசாலாவை தனியாக எடுத்து வைக்கவும். எண்ணெயில் கறித்துண்டுகளை போட்டு பொரித்து எடுக்கவும். தனியாக சிறிதளவு எண்ணெய் எடுத்து அதில் கடுகை தாளித்து பெ. வெங்காயத்தை வதக்கி தனியாக எடுத்து வைத்துள்ள மசாலாவை சேர்த்து கிளறவும். எண்ணெய் பிரிந்து வரும் போது வறுத்த கறித்துண்டுகளை போட்டு 2 கப் வெந்நீர் விட்டு வேக வைக்கவும். கலவை கெட்டியாகி இறக்கும் தருவாயில் உருளைக்கிழங்கு துண்டுகளை சேர்த்து 1 கொதி விட்டு இறக்கவும்.
சிக்கன் மஞ்சூரியன்தேவை:எலும்பு நீக்கிய 1 அங்குலத்திற்கு – 450 கிவெட்டிய கோழி துண்டுகள்
மேல் மாவுக்கு தேவையானவைமைதா மாவு – 115 கிபேக்கிங் பவுடர் – 1 டீஸ்பூன்மிளகு தூள் – 1/2 டீஸ்பூன்கார்ன் ப்ளவர் – 50 கிமுட்டை – 1உப்பு, தண்ணீர் – தேவையான அளவு
செய்முறை: மேலே கொடுக்கப்பட்டுள்ள மாவுகளை சிறிது தண்ணீர் சேர்த்துக் கரைத்துக் கொண்டு அதில் கறி துண்டுகளை ஒவ்வொன்றாக தோய்த்து காய்ந்து கொண்டிருக்கும் எண்ணெயில் போட்டு சிவக்க பொரித்து எடுத்து வைக்கவும். ஒரு வாணலியில் 2 மேஜைக்கரண்டி எண்ணெய் ஊற்றி காய்ந்ததும் பொடியாக வெட்டிய 30 கி, வெங்காயம் 75 கி, மிளகாய் 50 கி, பூண்டு 30 கி, குடைமிளகாய் எல்லாவற்றையும் போட்டு நன்றாக வதக்கவும். அதனுடன் 1 டீஸ்பூன் சோயா சாஸ், 1/4 டீஸ்பூன் வினிகர், 1/2 டீஸ்புன் அஜினமோட்டா சால்ட் சேர்த்து சிறிது ஷிtஷீளீ ஊற்றி தேவையான உப்பும், 1 டீஸ்பூன் கார்ன் ப்ளவர்ம் கரைத்து ஊற்றி சிறிது நேரம் கொதிக்க விடவும். எல்லாம் சேர்த்து கட்டியாக வந்த பின் தனியாக பொரித்து வைத்திருக்கும் கறி துண்டுகளை அதனுடன் கலந்து உபயோகிக்கவும்.
குறிப்பு: ப்ராய்லர் கோழி தான் உபயோகிக்க வேண்டும். மற்ற கோழியாக இருந்தால் கறியை சிறிது வேக வைக்க வேண்டும்.

மீன் கட்லெட்தேவை:சதை அதிகமுள்ள மீன் – 1/2 கிலோபெரிய வெங்காயம் – 1/4 கிலோ (பொடியாக நறுக்கியது)முட்டை – 1பிரட் தூள் – தேவையானதுஇஞ்சி, பூண்டு விழுது – 1 டேபிள் ஸ்பூன்எலுமிச்சை சாறு – 1 டேபிள் ஸ்பூன்மிளகாய்தூள் – 1 டீஸ்பூன்மிளகுதூள் – 1/2 டீஸ்பூன்மஞ்சள் தூள் – 1 டீஸ்பூன்கொத்தமல்லி இலை – 1 (சிறிய கட்டு)பச்சை மிளகாய் – 6எண்ணெய் – பொரிக்கஉப்பு – தேவையான அளவு
செய்முறை: மீனில் மஞ்சள் தூள், சேர்த்து வேக விட்டு, முள், தோல் நீக்கி தூளாக்கிக் கொள்ளவும். இதில் மிளகாய்தூள், உப்பு சேர்த்து நன்கு கலக்கவும். வாணலியில் சிறிது எண்ணெய் ஊற்றி அதில் இஞ்சி, பூண்டு விழுது சேர்த்து வதக்கியதும், வெங்காயம், ப.மிளகாய் சேர்த்து வதக்கி இறக்கவும். இதில் மீன் கலவையை சேர்த்து எலுமிச்சை சாறு ஊற்றி கலக்கி நீள வாக்கில் உருண்டை பிடித்துக் கொள்ளவும். பின்பு ஒரு சிறிய கிண்ணத்தில் முட்டை ஊற்றி அதில் உப்பு, மிளகுதூள் சேர்த்து நன்கு கலக்கவும். இதில் உருண்டைகளை நனைத்து பின் பிரட் தூளில் பிரட்டி எண்ணெயில் பொன் நிறமாக பொரித்து எடுக்கவும்.
ஸ்பெஷல் மட்டன் மசாலாதேவை:மட்டன் – 500 கிராம்தக்காளி – 100 கிராம்இஞ்சி, பூண்டு – சிறிதளவுஉப்பு – சிறிதளவுமல்லிப்பொடி – 2 டீஸ்பூன்மஞ்சள்தூள் – சிறிதளவுபெரிய வெங்காயம் – சிறிதளவு
செய்முறை: மட்டன் சுத்தம் செய்து துண்டுகளாக்கி, பூண்டு, இஞ்சி அரைத்துக் கொள்ளவும். நெய் விட்டு பாத்திரத்தில் வெங்காயத்தை நறுக்கி போட்டு தாளிக்கவும். பொன் நிறத்தில் வரும் போது இஞ்சி, பூண்டு, மட்டன் ஆகியவற்றை போட்டு தாளிக்கவும். மட்டன் ஓரளவு வெந்து வரும் போது கறிமசாலா தவிர, மீதியை அரைக்கவும். மசாலாக்களை அதில் போட்டு கிளறவும். பின்பு மூடி வைத்து வேக விடவும். வெந்து வரும் போது கறிமசால்பொடி தக்காளியும் சேர்த்து கிளறவும். மட்டன் மேல் படியும் போது இறக்கி விடவும்.
சைனீஸ் நூடில்ஸ்தேவை:அவித்து வடிகட்டிய நூடில்ஸ் – 8 அவுன்ஸ்காரட் வெட்டியது – 1 கப்சோயா பீன்ஸ் – 1 தேக்கரண்டிசமைத்த சிறு துண்டுகளாக வெட்டிய கோழி – 1 1/2 கப்அவித்த கோழி அல்லது ஸ்டாக் கேப்சிகம் பச்சை பீன்ஸ் – 1 கப்கார்ன் பிளவர் அல்லது மைதா – 2 தேக்கரண்டிகோஸ் நீளமாக வெட்டியது உப்பு, மிளகுத்தூள் பெல்லாரி நீளமாக வெட்டியது.
செய்முறை: அவித்து வடிகட்டிய நூடில்ஸ் உடன் சிறிது வெண்ணெய் சேர்க்கவும். ஒரு கையளவு நூடில்ஸை எண்ணெயில் ப்ரவுன் செய்து அலங்கரிக்கத் தனியே எடுத்து வைக்கவும். இரண்டு கரண்டி எண்ணெய் ஊற்றி வெங்காயத்தை வதக்கி நீளமாக தீக்குச்சி போன்ற அரிந்து வைத்திருக்கும் காய்கறிகளையும், வதக்கவும். சிறு தீயில் தன் தண்ணீரிலேயே வெந்து விடும். உப்பு, மிளகுத்தூள், உரித்த கோழித்துண்டுகள் சேர்த்து ஸ்டாக்கில் கார்ன்பிளவர் கலந்து காய்கறிகளுடன் சேர்த்து, நூடில்சையும் போட்டு கொதி வந்தவுடன் இறக்கவும். சோயா பீன்ஸ் ஊற்றி பரிமாறவும்.
முட்டைக் குழம்புதேவை:முட்டை – 4தேங்காய் பால் – 3 டம்ளர்ப.மிளகாய் – 4வெங்காயம் – 100 கிராம்மஞ்சள் தூள் – 1/2 டீஸ்பூன்எலுமிச்சை சாறு – 2 டீஸ்பூன்பூண்டு – 4 பல்கறிவேப்பிலை – 1 கொத்துஉப்பு – தேவையான அளவுசோம்பு – 1 டீஸ்பூன்எண்ணெய் – தேவையான அளவு
செய்முறை: முட்டையை வேக வைத்துக் கொள்ளவும். வாணலியில் எண்ணெய் ஊற்றி சோம்பு, கறிவேப்பிலை தாளித்து, நறுக்கிய வெங்காயத்தை போட்டு வதக்கவும். மஞ்சள்தூள் நறுக்கிய மிளகாய், பூண்டு சேர்த்து கிளறி 1 டம்ளர் தேங்காய் பால் ஊற்றவும். இக்கலவையை நன்கு கொதிக்க விடவும். இதனுடன் முட்டை சேர்த்து 2 நிமிடம் கொதிக்க விட்டு, மீதமுள்ள தேங்காய் பால், எலுமிச்சை சாறு, உப்பு சேர்த்து ஒரு கொதியில் இறக்கி விடவும்.
குழந்தை பெற்றவர்க்கு வைக்கும் கருவாட்டுக் குழம்புதேவை:சீலாக் கருவாடு – 1 துண்டுபூண்டு – 100 கிராம்கடுகு – 2 தேக்கரண்டிசீரகம் – 1 தேக்கரண்டிபுளி – 1 கொட்டைநல்லெண்ணெய் – 4 கரண்டிவற்றல் – 1 அல்லது 4உப்பு, மஞ்சள், மிளகு
செய்முறை: மசாலை புளியுடன் நன்றாக அரைத்துக் கொண்டு வாணலியில் எண்ணெய் விட்டு வெள்ளைப் பூண்டு வதக்கி அரைத்த மசாலா சேர்த்துப் போட்டு 1 கப் தண்ணீர் விட்டு உப்பு மஞ்சள் போட்டுக் கொதிக்க விடவும். பூண்டு வெந்து இறக்கும் பதம் வரும் போது கருவாட்டைப் போட்டு ஒரு கொதி வந்ததும் இறக்கவும்.
ஆட்டு நுரையீரல் கூட்டுதேவை:ஆட்டு நுரையீரல் – 1கடலை பருப்பு – 150 கிராம்மிளகாய்தூள் – 1/2 டேபிள் ஸ்பூன்தனியா தூள் – 1/2 டேபிள் ஸ்பூன் மஞ்சள் தூள் – 1/2 டீஸ்பூன்கசகசா, சீரகம் – 1 டீஸ்பூன்தக்காளி – 2தேங்காய் – 1/4 முடிஉப்பு – தேவையான அளவுஎண்ணெய் – தேவையான அளவுசோம்பு – 1 டீஸ்பூன்
செய்முறை: நுரையீரலை சுத்தம் செய்து நடுத்தர சைஸ்க்கு நறுக்கிக் கொள்ளவும். இதை லேசாக உப்பு சேர்த்து குக்கரில் வேக வைத்துக் கொள்ளவும். கடலைப் பருப்பை முக்கால் வேக்காடு வேக வைக்கவும். தக்காளியை பொடியாக நறுக்கவும். கசகசா, சீரகம், தேங்காய் இவைகளை நைஸாக அரைக்கவும். வாணலியில் எண்ணெய் ஊற்றி சோம்பு தாளித்து, தேங்காய் விழுதை போட்டு வதக்கி, மிளகாய், தனியா, மஞ்சள்தூள் சேர்த்து கிளறி 5 நிமிடம் கொதிக்க விடவும். தண்ணீர் அதிகம் சேர்க்கக் கூடாது. பின்பு வேக வைத்த நுரையீரல் சேர்த்து 2 நிமிடம் கொதிக்க விடவும் அடுத்து வேக வைத்த பருப்பை சேர்த்து ஒரு கொதியில் இறக்கி விடவும. கூட்டு கெட்டியாக இருக்க வேண்டும்.
ஸ்பாஞ்ச் கேக்தேவை:முட்டை – 250 கிராம்பொடிக்கப்பட்ட சீனி – 250 கிராம்பேக்கிங் பவுடர் – 4 தேக்கரண்டி (தலை தட்டிய அளவு)வெனிலா அல்லது பைனாப்பிள் எஸன்ஸ் மைதா – 250 கிராம்வெண்ணெய் – 250 கிராம்
செய்முறை: பேக்கிங் பவுடரை மைதாவுடன் கலந்து நன்றாக சலித்துக் கொள்ளவும். ஒரு வாயகன்ற பாத்திரத்தில் முட்டைகளை ஊற்றி எலெக்ட்ரிக் பீட்டர் உதவியால் அடிக்கவும். வேறொரு பாத்திரத்தில் வெண்ணெயைப் போட்டு நன்றாக க்ரீம் ஆகும் வரை கடையவும். இடையிடையே அடித்து வைத்திருக்கும் முட்டையையும் இதில் கொஞ்சமாக சேர்த்துக் கொண்டே கடையவும். எஸன்ஸ் சேர்க்கவும். இதனுடன் ஏற்கனவே பேக்கிங் பவுடருடன் சேர்த்து சலித்து வைத்திருக்கும் மாவை கொஞ்சம் கொஞ்சமாகக் கலக்கவும். மாவு சேர்ந்த பின் வேகமாக கடையக் கூடாது. அகலமான கரண்டியால் கலக்கவும். எலெக்ட்ரிக் பீட்டரில் ஸ்லோ என்ற குறைந்த அளவு வேகத்தை உபயோகிக்கவும்.

சிக்கன் பிட்ஸ்தேவை:கோழிக்கறி – 500 கிராம் (அரைக்க வேண்டும்)இஞ்சி பூண்டு – அரைத்தது 2 ஸ்பூன்மைதா மாவு – 100 கிராம்உப்பு – சுவைக்கேற்பபட்டை மிளகாய் தூள் – 3 ஸ்பூன்கடலை மாவு – 2 ஸ்பூன்தேங்காய் எண்ணெய் – 200 மி.லி.
செய்முறை: அரைத்த கோழிக்கறி, அரைத்த இஞ்சி, பூண்டு, மிளகாய்த்தூள், உப்பு எல்லாவற்றையும் ஒன்றாக பிசைந்து கொள்ளவும். கோழிக்கறி மிளகாய் வடிவத்தில் பிடிக்கவும். கடலைமாவு, மைதா மாவு, உப்பு சேர்த்து கரைத்துக் கொள்ளவும். பிடித்து வைத்துள்ள கோழிக்கறி பிட்ஸ்களை தேங்காய் எண்ணெயில் பொரித்து எடுக்கவும். இது மிகவும் சுவையாக இருக்கும்.
சைனீஸ் சூஸ்தேவை:முந்திரிப்பருப்பு வெட்டியது – 1 கப்பேரீச்சம்பழம் – 1 கப்முட்டை – 2பேக்கிங் பவுடர் – 1 தேக்கரண்டிசீனி – 1 கப்மைதா – 3/4 கப்வெனிலா – 1 தேக்கரண்டிஉப்பு – 1/4 தேக்கரண்டி
செய்முறை: மாவு, உப்பு, பேக்கிங் பவுடரை நன்றாகச் சலிக்கவும். கடைந்த முட்டை, முந்திரிப்பருப்பு, பேரீச்சம் பழம் சேர்க்கவும். பின் ஒவனில் பேக் பண்ணவும். வெந்ததும் வில்லைகளாக வெட்டவும். பின் ஐசிங் சுகரை வில்லைகள் மேல் தூவவும்.
வேக வைத்த மீன்தேவை:மீன் – 1/2 கிலோமஞ்சள் தூள் – 1 டீஸ்பூன்வரமிளகாய் – 3பச்சை மிளகாய் – 4கடுகு – 1 டீஸ்பூன்எண்ணெய் – தேவையானதுஉப்பு – தேவையான அளவு
செய்முறை: மீனைக் கழுவி துண்டுகளாக்கி உப்பைத் தடவி வைக்கவும். மஞ்சள்தூள், வரமிளகாய், கடுகு இவற்றை விழுது போல் அரைக்கவும். ப.மிளகாயை கீறிக் கொள்ளவும். அரைத்த மசாலாவை மீனுடன் கலக்கவும். எண்ணெய் மற்றும் மிளகாயை சேர்த்து ஒரு பாத்திரத்தில் வைத்து 10 நிமிடம் குக்கரில் வேக விட்டு இறக்கவும். அவித்த மீன் ரெடி.

மெக்ரூன்ஸ்தேவை:முட்டை (வெள்ளைக்கரு) – 4முந்திரிப்பருப்பு துருவியது – 250 மி.லி.சீனி – 250 மி.லி.
செய்முறை: முட்டை வெள்ளைக் கருவை சிறிது கூட மஞ்சள் கலக்காமல் பிரித்து எடுத்துக் கொள்ள வேண்டும். முள் கரண்டி வைத்து வெள்ளைக்கருவை நன்கு நுரை பொங்க பாத்திரத்தைக் கவிழ்த்தால் கீழே விழாமல் இருப்பது வரை அடிக்கவும். சீனியையும் சிறிது சிறிதாகச் கலக்கி அடித்தால் வெள்ளைப்பனிமலை போல் பொங்கி வரும். 30 – 35 நிமிடம் ஆகும். நறுக்கிய முந்திரிப்பருப்பை மெதுவாக முட்டை வெள்ளைக் கருவுடன் (யீஷீறீபீ ஷீஸீ) நெய் தடவிய தட்டில் இடைவெளி விட்டு ஒரு மேஜைக்கரண்டி கலவையைக் கூம்பு வடிவமாக வரும் மாதிரி ஊற்றி 100 – 150 டிகிரி சூட்டில் வேக வைக்கவும்.
முட்டை பொரியல்தேவை:முட்டை – 2வெண்டைக்காய் – 1/2 கிலோசிறிய வெங்காயம் – 100 கிராம்பச்சை மிளகாய் – 4கடுகு, உளுந்தம் பருப்பு – தலா 1 டீஸ்பூன்மிளகு, சீரகத்தூள் – 1/2 டீஸ்பூன்உப்பு – தேவையானதுமஞ்சள்தூள் – 1 சிட்டிகைஎண்ணெய் – தேவையான அளவு
செய்முறை: முட்டையை உடைத்து அதனுடன் மிளகு , சீரக, மஞ்சள்தூள் லேசாக உப்பு சேர்த்து அடித்து வைக்கவும். வெங்காயம், வெண்டைக்காயை பொடியாக நறுக்கிக் கொள்ளவும். ப.மிளகாயை நீளவாக்கில் நறுக்கவும். வாணலியில் எண்ணெய் விட்டு கடுகு, உளுந்தம் பருப்பு தாளித்து, வெங்காயம், ப.மிளகாய், வெண்டைக்காய், 1 டீஸ்பூன் எலுமிச்சை சாறு சேர்த்து சுருள வதக்கவும். அடுத்து, முட்டைக்கலவையை இதில் ஊற்றி நன்றாக கிளறி இறக்கி விடவும். சூடாக பரிமாறவும்.
பட்டர் பிஸ்கட்தேவை:மைதா – 500 மி.லி.சீனி – 150 மி.லி.பேக்கிங் பவுடர் – 1/2 தேக்கரண்டிடால்டா அல்லது நெய் – 100 மி.லி.எஸன்ஸ் – 1 தேக்கரண்டி
செய்முறை: மைதாவையும், பேக்கிங் பவுடரையும் நன்கு சலிக்கவும். அதனுடன் சீனியைப் பொடித்து மாவாக்கிக் கலக்கவும். டால்டா அல்லது நெய் இளக்கிக் கொஞ்சம் கொஞ்சமாக மாவுடன் சேர்த்து பூரிமாவு பக்குவம் வந்தவுடன் அப்படியே வைக்கவும். பின் பூரிப்பலகையில், பூரிக்கட்டை கொண்டு அரை சென்டி மீட்டர் திண்ணத்தில், பூரிக்கட்டைக் கடினமாக அழுத்தாமல் உருட்டவும். பிஸ்கட் வடிவ அச்சு அல்லது ஹார்லிக்ஸ் பாட்டி மூடியை வைத்து வட்ட வட்ட அச்சாக வெட்டி கேக் அடுப்பு தட்டில் அடுக்கவும். இளம் சூட்டில் வேக வைக்கவும். கடையில் வாங்கும் பட்டர் பிஸ்கட் மாதிரியே இருக்கும். எசன்ஸ்க்குப் பதில் சுக்குத்தூள் அல்லது ஏலக்காய்த்தூள் 2 தேக்கரண்டி சேர்ந்தாலும் பிஸ்கட் ருசியும், மணமும் சேர்ந்து இருக்கும். நெய் அல்லது டால்டா மட்டுமே சேர்க்கவும். (வெண்ணெய் சேர்த்தால் பிஸ்கட் கடினமாகிவிடும்).
மட்டன் பிரியாணிதேவை:பிரியாணி அரிசி – 250 கிராம்நெய் – 100 கிராம்பெரிய வெங்காயம் – தேவையான அளவுபச்சை மிளகாய் – சிறிதளவுவறுத்த மல்லி – 2 டீஸ்பூன்மட்டன் – 250 கிராம்தேங்காய் – 1/2 முடிகொத்தமல்லி தழை – சிறிதளவுபெரிய சீரகம் – 1 டீஸ்பூன்கிராம்பு, ஏலம், பட்டை, நெய்யில் வறுத்து வைக்கவும்.
செய்முறை: அரிசியை சுத்தம் செய்து வடிகட்டி வைக்கவும். குக்கரில் வெட்டிய கறித்துண்டுகளை உப்பு, மஞ்சள் 700 கிராம் நீர் சேர்த்து வேக வைக்கவும். வாணலியில் நெய் ஊற்றி வெட்டிய வெங்காயம், புதினா, இலை சேர்த்து வதக்கவும். அவித்த கறி, அரைத்த மசால், அரிசியையும் சேர்த்து 2 நிமிடம் கிளறி இறக்கவும். குக்கரில் கறி வைத்து தண்ணீர் தேங்காய் பால் சேர்த்து அரை படியாக கொதிக்க வைக்கவும். தேங்காய் பாலில் வதக்கிய மசால் அரிசி, கறி சிறிது உப்பும் சேர்த்து கிளறி இளந்தீயில் குக்கரை மூடி 10 நிமிடத்தில் இறக்கவும். பிரியாணி தம் கட்டி சூடாக வைத்து பரிமாறவும்.
முந்திரிப்பருப்பு பிஸ்கட்தேவை:முந்திரிப்பருப்புத்தூள் – 50 கிராம்சீனி – 150 கிராம்மைதா – 250 கிராம்முட்டை – 1மார்கரீன் (வெண்ணெய் – 150 கிராம்
செய்முறை: (வெண்ணெய்) மார்க்ரீனையும் (விணீக்ஷீரீணீக்ஷீவீஸீமீ) பொடித்த சீனியையும் கடையவும். கடைந்த முட்டையையும், எசன்ஸையும் சேர்க்கவும். மாவை சலித்து முந்திரிப்பருப்புத் தூளுடன் சேர்க்கவும். பின் எல்லாவற்றையும் சேர்த்து பிசையவும். தேவையானால் பால் சேர்க்கலாம். பூரிக்கட்டையில் தேய்த்து வில்லைகள் போடவும். ஒவனில் 350 டிகிரியில் பேக் பண்ணவும்.

ஃபிங்கர் ஃபிஷ்தேவை:வஞ்சர மீன் – 1/2 கிலோ (முள், தோல் நீக்கி விரல் சைஸ்க்கு வெட்டி வாங்கவும்)இஞ்சி, பூண்டு விழுது – 1 டேபிள் ஸ்பூன்மிளகாய்தூள் – 1 டேபிள் ஸ்பூன்மஞ்சள் தூள் – 1/2  டீஸ்பூன்சோளமாவு – 3 டேபிள் ஸ்பூன்முட்டை – 2எலுமிச்சை சாறு – 2 டீஸ்பூன்எண்ணெய் – பொரிக்கஉப்பு – தேவையான அளவு செய்முறை: மீனை சுத்தம் செய்து மேலே குறிப்பிட்ட எல்லா பொருட்களையும் சேர்த்து நன்றாக பிரட்டி 1 மணி நேரம் ஊற வைக்கவும். வாணலியில் எண்ணெய் ஊற்றி மீனை கொஞ்சம் கொஞ்சமாக போட்டு பொன்னிறமாக பொரித்து எடுக்கவும். சூடாக பரிமாறவும்.
மூளை வறுவல்தேவை:மூளை – 2சின்ன வெங்காயம் – 50 கிராம்சீரகம் – 1/2 தேக்கரண்டிமிளகு தூள் – 1 தேக்கரண்டிமல்லித்தூள் – 2 தேக்கரண்டிஉப்பு – தேவையான அளவு
செய்முறை: 2 மூளைகளை சுத்தம் செய்து துண்டுகளாக்கி கொள்ளவும். 50 கிராம் சின்ன வெங்காயத்தை உரித்து பொடியாக்கிக் கொள்ளவும். வாணலியில் இதயம் நல்லெண்ணெய் 8 தேக்கரண்டி ஊற்றி காய்ந்ததும் 1/2 தேக்கரண்டி சீரகம், நறுக்கிய வெங்காயம் இவற்றைப்போட்டு வதக்கவும். நன்கு வதங்கிய பின் 1/2 டம்ளர் தண்ணீர் ஊற்றி, இத்துடன் 1 தேக்கரண்டி மிளகுத்தூள் 2 தேக்கரண்டி மல்லித்தூள், சிறிது மஞ்சள் தூள், தேவையான உப்பு சேர்க்கவும். கொதித்த பின், மூளைத்துண்டுகளைப் போட்டு, மிதமான தீயில் வைத்து, மூளை நன்கு வதங்கிய பின் இறக்கவும்.
புலாவ் கொத்துக்கறிதேவை:பிரியாணி அரிசி – 500 கிராம்ஆட்டுக்கறி – 500 கிராம்மிளகாய்பொடி – சிறிதளவுகரம் மசாலாபொடி – சிறிதளவுநெய் – 50 கிராம்ஆட்டுக்கறி – 2இஞ்சி, பூண்டு – 50 கிராம்சீரகப்பொடி – சிறிதளவுஏலம், கிராம், பட்டை – சிறிதளவுதக்காளி – 4 எண்ணம்
செய்முறை: நெய் ஊற்றி ஊற வைத்து அரிசியை வைத்து 1 க்கு 2 வீதம் தண்ணீர் ஊற்றி புலாவ் செய்து கொள்ள வேண்டும். மற்றொரு பாத்திரத்தில் எண்ணெய் ஊற்றி சீரகப்பொடி, இஞ்சி, பூண்டு, வெங்காயத்தைப் போட்டு வதக்க வேண்டும். பின்னர் மிளகாய்ப்பொடி, தக்காளி போட்டு வதக்கி கொத்தாக நறுக்கிய கறியை போட்டு நன்றாக வதக்க வேண்டும். பிறகு புலாவுடன் சேர்த்துக் கலக்க வேண்டும். மனத்துடன் புலாவ் கொத்துக்கறி ரெடியாகி விடும். சுவையாக இருக்கும்.
செர்ரி கேக்தேவை:வெண்ணெய் – 100 கிராம்சீனி – 100 கிராம்பேக்கிங் பவுடர் – 1 தேக்கரண்டிசெர்ரி – 150பால் – 2 மேஜைக்கரண்டிமைதா – 200 கிராம்முட்டை – 2கொஞ்சம் பொடியாக நறுக்கிய எலுமிச்சம்பழத் தோல்
செய்முறை: மாவையும், பேக்கிங் பவுடரையும் சலிக்கவும். வெண்ணெய், சீனி, எலுமிச்சம்பழத் தோல் சேர்த்துக் கடையவும். இதனுடன் கடைந்த முட்டையைக் கொஞ்சம் கொஞ்சமாக சேர்க்கவும். மூன்றில் ஒரு பங்கு மாவை இக்கலவையுடன் சேர்க்கவும்.
கோழிக் குழம்புதேவை:கோழி – 1/2 கிலோமிளகுத்தூள் – 1/2 கரண்டிசீரகத்தூள் – 2 கரண்டிதேங்காய் – 1/2 முடி பால்வெங்காயம் – 50 கிராம்மிளகாய்தூள் – 50 கிராம்மல்லித்தூள் – 2 கரண்டிஉப்பு, மஞ்சள்தூள் – சிறிதளவுநல்லெண்ணெய் – 100 கிராம்
செய்முறை: கோழியை சுத்தம் செய்து சிறுதுண்டுகளாக வெட்டிக் கொள்ளவும். ஒரு பாத்திரத்தில் எண்ணெய் ஊற்றி காய்ந்ததும் நறுக்கிய வெங்காயம் போட்டு வதக்கி கோழிக்கறி போட்டு வதக்கி, தேவையான உப்பு, மஞ்சள்தூள் சிறிது நேரம் மூடி வைக்கவும். கோழிக்கறியை சிறிது நீரில் வேகவிடவும். பின் மசாலாவையும், தேங்காய்பாலையும் கறியில் ஊற்றி எண்ணெய் விட்டு வேக வைக்கவும். கறிவெந்து குழம்பு வற்றி எண்ணெய் தெளியவும் இறக்கி விடவும்.
கோழி சாப்ஸ்தேவை:கோழி – 1 கிலோபச்சை மிளகாய் – 10இஞ்சி – 2 அங்குலம்பெரிய மிளகாய் – 1முட்டை – 3உப்பு தேவையான அளவு
செய்முறை: 1 கிலோ கோழியை சுத்தம் செய்து துண்டுகளாக்கிக் கொள்ளவும். 2 அங்குலம் இஞ்சி, 10 பச்சை மிளகாய்கள் 1 பெரிய வெங்காயம், இவற்றை அரைத்துக் கொள்ளவும். கோழிக்கறித் துண்டுகளுடன் அரைத்த மசாலா, தேவையான உப்பு சேர்த்து பிசிறி வைக்கவும். ப்ரஷர் குக்கரில் 2 டம்ளர் தண்ணீர் ஊற்றி, அதன் மீது பிசிறி வைத்துள்ள கோழிக்கறித்துண்டுகள் உள்ள பாத்திரத்தை வைத்து மூடி, குக்கரின் மூடியையும் மூடவும். வெயிட் வைக்கவும் விசில் சப்தம் கேட்டதும் இறக்கவும். குக்கர் திறந்து வந்த பின், கறித்துண்டுகள் உள்ள பாத்திரத்தை வெளியே எடுத்துக் கொள்ளவும். 3 முட்டைகளை தேவையான உப்பு கலந்து நன்கு, நுரைக்க அடித்துக் கொள்ளவும். வாணலியில் இதயம் நல்லெண்ணெய் 100 கிராம் ஊற்றி காய்ந்ததும், தீயை மிதமாக்கவும். கோழிக்கறித்துண்டுகளை ஒவ்வொன்றாக அடித்து வைத்துள்ள முட்டைக் கலவையில் நனைத்து எடுத்து எண்ணெயில் போட்டு பொரித்து எடுக்கவும். ஒரு தடவைக்கு 6 துண்டுகள் வீதம் போட்டு பொறிக்கலாம்.
இறால் மீன் குழம்புதேவை:இறால் – 1/2 கிலோதேங்காய் பால் – 1/4 கப்இஞ்சி, பூண்டு விழுது – 1 டேபிள் ஸ்பூன்பெரிய வெங்காயம் – 2தக்காளி – 2மிளகாய்தூள் – 1 டேபிள் ஸ்பூன்தனியாதூள் – 1 டேபிள் ஸ்பூன்மஞ்சள் தூள் – 1/2 டீஸ்பூன்முந்திரி பருப்பு தூள் – 1 டீஸ்பூன்பச்சை மிளகாய் – 2கறிவேப்பிலை – 1 கொத்துஎண்ணெய் – தேவையானதுஉப்பு – தேவையான அளவு
செய்முறை: இறாலை சுத்தம் செய்து லேசாக உப்பு சேர்த்து வேக வைத்துக் கொள்ளவும். வாணலியில் எண்ணெய் விட்டு கறிவேப்பிலை தாளித்து இஞ்சி, பூண்டு விழுது போட்டு வதக்கவும். வெங்காயம் சேர்த்து சிறிது நேரம் வதக்கவும். தக்காளி, மசாலா தூள்கள், ப.மிளகாய், உப்பு சேர்த்து நன்கு கிளறி தண்ணீர் விட்டு வேக விடவும். பின்பு அதனுடன் வேக வைத்த இறாலை சேர்த்து சில நிமிடங்கள் கொதிக்க விடவும். கடைசியாக தேங்காய் பால் சேர்த்து 5 நிமிடம் கொதிக்க விட்டு இறக்கவும்.

கறி சாப்ஸ்தேவை:சாப்ஸ் கறி – 1/4 கிலோ (எலும்புடன் சேர்த்து பெரிய துண்டாக வாங்கவும்)பெருஞ்சீரகம் – 1 தேக்கரண்டி வற்றல்கொத்தமல்லி – 1 மேஜைக்கரண்டிகசகசா – 1 தேக்கரண்டிசீரகம் – 1 மேஜைக்கரண்டிசின்ன வெங்காயம் – 8 (வெட்டியது)தேங்காய் – 1 முடிஇஞ்சி – சிறியதுபூண்டு – 4 பல்முந்திரிப்பருப்பு – 15உப்பு, மஞ்சள்
செய்முறை: பாதி தேங்காயில் பால் எடுக்கவும். மீதி தேங்காயை மேலே உள்ள மசாலா சாமான்களுடன் சேர்த்து அரைத்து இரண்டாவது பாலில் கலந்து கறியையும் போட்டு, உப்பு மஞ்சள் சேர்த்து குக்கரில் நன்றாக வேக வைக்கவும். பின் இரும்புச்சட்டியில் நெய் 2 கரண்டி நல்லெண்ணெய் 2 கரண்டி ஊற்றி, முந்திரிப்பருப்பு 9 பட்டை சிறிது கிராம்பு 3 ஏலக்காய் 3 போட்டு தாளித்து வெங்காயத்தை வதக்கி முதல் பாலையும் சேர்த்து ஊற்றி, குழம்பு வற்றி எண்ணெய் தெளியவும் இறக்கவும்.
சுட்ட கறிதேவை:தொடை கறி – 200 கிராம்மஞ்சள் தூள் – 1 ஸ்பூன்வினிகர் – 1 ஸ்பூன்மிளகுத்தூள் – 2 ஸ்பூன்எண்ணெய் – 2 ஸ்பூன்உப்பு – சுவைக்கு ஏற்ப
செய்முறை: ஆட்டின் முன் தொடைகறியை வாங்க சம அளவுக்குள் துண்டுகள் வெட்டி சுத்தம் செய்து கழுவி வைக்கவும. உப்பு, மிளகுத்தூள், வினிகர், எண்ணெய் எல்லாவற்றையும் ஒன்றாக கலந்து வைக்கவும். கறித்துண்டை ஒவ்வொன்றாக எடுத்து சப்பாத்தி கட்டையால் தட்டி சதுரமாக பரத்தவும். கறித்துண்டுகளை எடுத்து மிளகு கலவையில் தேய்த்து 1 மணி நேரம் ஊற வைக்கவும். தோசைக் கல்லை காய வைத்து (எண்ணை விட வேண்டியதில்லை) ஊறிய கறிதுண்டுகளை மிதமான தீயில் கொஞ்சம் கொஞ்சமாக சுட்டு எடுக்கவும். இரண்டு பக்கமும் பொன் வறுவலாக எடுக்கவும்.
இரத்தம் வதக்கல்தேவை:ஆட்டின் இரத்தம் – 200 கிராம்எண்ணெய் – 2 தேக்கரண்டிபச்சை மிளகர் – 6மஞ்சள்தூள் – 1 சிட்டிகைதேங்காய் – 1/2 முடிவெங்காயம் – 50 கிராம்கறிவேப்பிலை – சிறிதுஉப்பு – தேவையானது
செய்முறை: இரத்தம் உறைந்து இருக்கும். அதில் தண்ணீர் சேர்த்து நன்றாக பிசைந்து விட வேண்டும். (பிசைந்தும் சிறு சிறு உருண்டைத் துண்டுகளாக இருக்கும்) பின் தண்ணீரை வடித்து விட வேண்டும். வாணலியில் எண்ணை ஊற்றி நறுக்கிய வெங்காயம், மிளகாய், கருவேப்பிலை போட்டு நன்றாக வதங்கியதும் இரத்தத்தையும் சேர்த்து உப்பு, மஞ்சள் கலந்து கிளற வேண்டும். சீக்கிரம் வெந்து விடும். இறக்கும் போது தேங்காய்ப்பூ போட்டு இறக்கவும். இரத்தம் நிறம் மாறி இருக்கும் உளுந்தம் சுண்டல் மாதிரி இருக்கும் இட்லியுடன் சேர்த்து சாப்பிட சுவையாக இருக்கும். தனியாகவும் சுண்டல் மாதிரி சாப்பிடலாம்.
கோழி ரோஸ்ட்தேவை:கோழி – 1/2 கிலோஇஞ்சி பூண்டு உப்பு – சிறிதளவுதேங்காய் எண்ணெய் – 50 கிராம்எலுமிச்சம்பழம் – 1மிளகாய்தூள் – 1 கரண்டிசிவப்பு கலர் பவுடர் – சிறிதளவுதயிர் – 2 டீஸ்பூன்நெய் – 50 கிராம்
செய்முறை: தோல் நீக்கிய கோழியை பெரிய துண்டுகளாக வெட்டி எடுத்துக் கொள்ளவும். தயிரில் கோழித்துண்டு, தட்டிய பூண்டு இஞ்சி, கலர் பவுடர், எலுமிச்சம் பழ சாறு சேர்த்து 1 மணி நேரம் ஊற வைத்து பின் குக்கரில் போட்டு எண்ணெய் மிளகாய்த்தூள் சேர்த்து 10 நிமிடம் குக்கரில் லேசாக வேக வைக்கவும். கோழித்துண்டுகளை தனியே எடுத்து சாறை வற்ற வைக்கவும். வெந்த கோழித் துண்டுகளை எண்ணெயில் பொரித்து எடுக்கவும். சுவையான கோழி ரோஸ்ட் ரெடி.
கோழி சூப்தேவை:கோழி – 1 கிலோபெரிய வெங்காயம் – 2இஞ்சி – 1 அங்குலம்மிளகு தூள் – 2 தேக்கரண்டிஉப்பு – தேவையான அளவு
செய்முறை: 1 கிலோ கோழி கறியை சுத்தம் செய்து, துண்டுகளாக்கி நறுக்கிக் கொள்ளவும். 1 அங்குலம் இஞ்சி, 2 பெரிய வெங்காயம் ஆகியவற்றை நறுக்கிக் கொள்ளவும். அடி கனமான பாத்திரத்தில் 4 டம்ளர் தண்ணீர் ஊற்றி, கொதித்ததும் கோழித்துண்டுகள், நறுக்கிய இஞ்சி, வெங்காயம் 2 தேக்கரண்டி மிளகு தூள், தேவையான உப்பு, மஞ்சள் தூள் போடவும். மிதமான தீயில் வைத்து கோழிக்கறி வெந்ததும் இறக்கவும். ப்ரஷர் குக்கரில் தயாரிப்பதனால் 3 டம்ளர் தண்ணீர் ஊற்றி விசில் சப்தம் கேட்டு நிமிடங்கள் கழித்து இறக்கவும்.
முட்டை ஆம்லெட்தேவை:முட்டை – 4சிறிய வெங்காயம் – 50 கிராம்பச்சை மிளகாய் – 4உப்பு – தேவையான அளவுஎண்ணெய் – தேவையான அளவுமஞ்சள்தூள் – 1/2 டீஸ்பூன்மிளகு, சீரகத்தூள் – தலா 1 டீஸ்பூன்
செய்முறை: முட்டைகளை உடைத்து அடித்துக் கொள்ளவும். சிறிய வெங்காயம் ப. மிளகாய் இவற்றை அம்மியில் நைசாக அரைத்துக் கொள்ளவும். அடித்து வைத்துள்ள முட்டையில் மஞ்சள், மிளகு, சீரகதூள், வெங்காயம். ப. மிளகாய் விழுது உப்பு முதலியவற்றை நன்றாக கலந்து தோசை கல்லில் சிறுசிறு தோசைகளாக ஊற்றி திருப்பி போட்டு எடுக்கவும். சூடாக பரிமாறவும்.
எலும்புச் சாம்பார்தேவை:நெஞ்சு எலும்பு – 200 கிராம்வெங்காயம் – சிறிதளவுபூண்டு – 6மஞ்சள்தூள் – 1 சிட்டிகைதுவரம் பருப்பு – 100 கிராம்பச்சை மிளகாய் – 6சாம்பார் பொடி – 1 ஸ்பூன்உப்பு – தேவையான அளவு
செய்முறை: எலும்பை வேக வைத்துக் கொள்ளவும். பருப்பை வேக வைத்துக் கடைந்து நறுக்கிய வெங்காயம், பச்சை மிளகாய் (கீறிப் போடவும்) பூண்டு நறுக்கியது. சாம்பார் பொடி, உப்பு, மஞ்சள் தூள் போட்டு வெந்த எலும்பையும் போட்டு கொதிக்க வைத்து இறக்கவும், விரும்பினால் 2 கரண்டி எண்ணெயில் வெங்காயம், பச்சை மிளகாய் தாளித்தும் கொதிக்க வைக்கலாம். இட்லி, தோசைக்கு சுவையாக இருக்கும்.
மட்டன் குழம்புதேவை:மட்டன் – 500 கிராம்வெங்காயம் – 50 கிராம்கொத்தமல்லிதூள் – 1 கரண்டிஉப்பு மஞ்சள்தூள் – சிறிதளவுநல்லெண்ணெய் – 100 கிராம்சீரகத்தூள் – 1 கரண்டிமிளகாய் – 5
செய்முறை: குக்கரில் எண்ணெய் விட்டு நறுக்கிய வெங்காயம் வதக்கி அரைத்து வைத்திருக்கும் மசாலா, கறி, சிறிது உப்பு, மஞ்சள் தூள் போட்டு வதக்கி சிறிது தண்ணீர் ஊற்றி குக்கரை மூடி நன்றாக வேக வைத்து இறக்கவும். குழம்பு எண்ணெய் தெளிந்து கெட்டியாக பிரட்டினாற் போல் வைக்கவும்.