அதிரசம்

தேவையான பொருட்கள்:-
அரிசி – 400
வெல்லம் – 250 கிலோ கிராம்

தண்ணீர் – 3/4 டம்ளர்
நெய் – 1 டேபிள் ஸ்பூன்
எண்ணெய் – தேவையான அளவு

செய்முறை:-
பச்சரிசியை 4 மணி நேரம் ஊற வைத்து நீரை நன்கு வடிகட்டி ஒரு துணியில் பரப்பி விடவும். ரொம்ப காயக் கூடாது. பச்சரிசியை மிக்ஸியில் அரைத்துக் கொள்ளவும். வெல்லத்தை தூளாக்கி தண்ணீரில் போட்டு கொதிக்க விட்டு வடிகட்டிக் கொள்ளவும். பாகை பிசுக்கு பதம் வரும் வரை கொதிக்க விடவும். (பிசுக்கு பதம் = கையில் எடுத்து தொட்டால் பிசுபிசுப்பாக இருக்கும்) பிசுக்குப்பதம் வந்தவுடன் மாவை சிறிது சிறிதாக தூவி கட்டிகள் இல்லாமல் கிளறவும். மாவு நன்கு வெந்து குமிழ் குமிழாக வரும் போது (ஙிuதீதீறீமீ) நெய் ஊற்றி இறக்கவும். ஆறிய பின் காற்றுப் புகாத, ஈரமில்லாத டப்பாவில் போட்டு வைத்துக் கொள்ளவும். தேவைப்படும் போது அதிசரங்களாகத் தட்டி எண்ணெயில் பொரித்தெடுத்து, எண்ணெய்யை ஒரு பேப்பரில் உறிஞ்சி எடுக்கவும். இந்த மாவு 10 முதல் 15 நாட்கள் வரை கெடாது.

எலும்புக் குழம்பு

தேவையான பொருட்கள்:-
எலும்பு – 1/4 கிலோ
துவரம் பருப்பு – 2 டேபிள் ஸ்பூன்
தக்காளி – 3 அல்லது 4 (மீடியம் சைஸ்)
பச்சைமிளகாய் – 2
குழம்புப்பொடி – 11/2 டேபிள் ஸ்பூன்
உப்பு – தேவையான அளவு
தாளிக்க – சோம்பு, சீரகம், கறிவேப்பிலை
சின்ன வெங்காயம் – 10
எண்ணெய் – தேவையான அளவு
மஞ்சள் பொடி – 1 டீஸ்பூன்

செய்முறை:-
ஓரு குக்கரில் கழுவிய எலும்பு, துவரம் பருப்பு, தக்காளி, பச்சைமிளகாய், குழம்புப்பொடி, சின்ன வெங்காயம், மஞ்சள் பொடி, போட்டு 4 முதல் 5 விசில் வரை (20 நிமிடம்) வேகவிடவும். எலும்பு நன்கு வெந்தவுடன் ஒரு வாணலியில் எண்ணெய் விட்டு சோம்பு, சீரகம், கறிவேப்பிலை போட்டு தாளித்து உப்பு போட்டு நன்கு கொதிக்க விடவும்.

ஆடிக்கூழ்

தேவையான பொருட்கள்:-
உளுத்தம் பருப்பு – 200 கிராம்
பச்சரிசி மாவு – 1 டேபிள் ஸ்பூன்
வெல்லம் – 150 கிராம்
நெய் – 150 கிராம்
தண்ணீர் – 400 மி.லி.

செய்முறை:-
உளுத்தம் பருப்பை வெறும் வாணலியில் சிவக்க வறுக்கவும். இறக்கப் போகையில் அரிசியை போட்டு வறுக்கவும். ஆற வைத்து மிக்ஸியில் அரைத்து சலித்துக் கொள்ளவும். வெல்லத்தை தண்ணீரில் போட்டு அடுப்பில் வைத்து கரைத்து வடிகட்டிக் கொள்ளவும். பின் ஒரு வாணலியில் மொத்த நெய்யையும் ஊற்றி மாவைப் போட்டு வறுத்து (தீயை குறைத்துக் கொள்ளவும். இல்லையேல் மாவு கருகி விடும்.) கரைத்து வைத்துள்ள பாகை ஊற்றி கிளறவும்.

உப்புகறி

தேவையான பொருட்கள்:-
கறி – 200 கிராம்
வர மிளகாய் – 10
பூண்டு – 10 பல்
வெங்காயம் – 15
தாளிக்க – சோம்பு, வெந்தயம்.
உப்பு – தேவையான அளவு
எண்ணெய் – 1 டேபிள் ஸ்பூன்

செய்முறை:-
ஒரு வாணலியில் எண்ணெய் ஊற்றிக் காய்ந்ததும் சோம்பு, வெந்தயம் போட்டு தாளித்து பின் வரமிளகாயை கிள்ளிப் போட்டு, கறியை போட்டு வதக்கி ஒரு டம்ளர் தண்ணீர் ஊற்றி உப்பு போட்டு மூடி போட்டு வேக விடவும். பாதி வெந்து கொண்டிருக்கையில் பூண்டு, வெங்காயம் போட்டு வேக விடவும். தண்ணீர் வற்றி கறி வெந்ததும் இறக்கவும்.