சிங்கி ரால்தேவை:சிங்கி ரால் – 1/4 கிலோவற்றல் தூள் – 2 தேக்கரண்டிஉப்பு, மஞ்சள் – தாளிக்க எண்ணெய்சீரகம் – 1 தேக்கரண்டிமுருங்கை இலை – சிறிது
செய்முறை: சிங்கிராலை சுடு நீரில் போட்டு வைத்து மேல் தோட்டை உடைத்து உள்ளே உள்ள பகுதியை எடுக்கவும். புட்டு மாதிரி உதிர்த்து வற்றல் தூள், உப்பு, மஞ்சள்தூள் சேர்த்து தன் தண்ணீரில் வேக வைக்கவும். வாணலியில் எண்ணெய் விட்டு காய்ந்ததும் முருங்கை இலை, சீரகம், மிளகாய் சேர்த்து தாளிக்கவும். சிங்கிராலையும் சேர்த்து கிளறி இறக்கவும்.
பழ கேக்தேவை:காய்ந்த திராஷைப் பழம் – 1 1/2 கப்கொட்டை எடுத்த பேரீச்சம்பழம் – 1 1/2 கப்பழத்தோல் துண்டுகள் – 1/2 கப்முந்திரிப்பருப்பு – 1/2 கப்ஜாதிக்காய் பொடி – 1/2 தேக்கரண்டிபேக்கிங் பவுடர் – 1 தேக்கரண்டிவெனிலா எஸ்ஸென்ஸ் – 10 சொட்டுவெண்ணெய் – 1 1/2 கப்சர்க்கரை – 1 1/2 கப்முட்டை – 4மைதா – 3/4 கப்தேன் – 1/2 கப்
செய்முறை: பழங்களை சிறிய துண்டுகளாக நறுக்கிக் கொள்ளவும். முந்திரிப்பருப்பைச் சிறிது பன்னீர் விட்டு அரைக்கவும். முட்டையின் வெள்ளைக் கருவையும், மஞ்சள் கருவையும் வெவ்வேறாக அடித்து வைத்துக் கொள்ளவும். சீனியையும், வெண்ணெயையும் நன்கு கடைந்து பின் கொஞ்சம் கொஞ்சமாக பேக்கிங் பவுடர் கலந்து 5 முறை சலித்து வைத்திருக்கும் மாவையும், அடித்த மஞ்சள் கருவையும் மாறி மாறி சேர்த்துக் கலக்கவும். பிறகு அரைத்த முந்திரிப் பருப்பையும் தேனையும் கலந்து அடிக்கவும். கடைசியில் வெள்ளைக்கருவை கலக்கவும். மாவு கலந்த பிறகு அதிகமாகக் கடையக் கூடாது. மெதுவாக கரண்டியினால் கலக்க வேண்டும். பழங்களை முதலில் சிறிதளவு மாவில் தேய்த்து வைத்திருக்க வேண்டும். அவற்றையும் எசன்ஸ், ஜாதிக்காய் பொடியையும் கலந்து, வெண்ணெய் தடவிய டின்களில் பேக்கிங் செய்யவும்.
புறா சாப்ஸ்தேவை:புறா – 2சீரகம் – 1 தேக்கரண்டிமிளகு – 2 தேக்கரண்டிதேங்காய் – 1 சில்மிளகாய் வற்றல் – 4மல்லி – 1 தேக்கரண்டி
செய்முறை: இரு புறாக்களை சுத்தம் செய்து துண்டுகளாக்கிக் கொள்ளவும். மிளகாய் வற்றல் 4, சீரகம் 1 தேக்கரண்டி, மல்லி 1 தேக்கரண்டி, மிளகு 2 தேக்கரண்டி, தேங்காய் 1 சில், வெங்காயம் 10 இவற்றை நன்றாக அரைத்துக் கொள்ளவும். இந்த மசாலாவைக் கறியுடன் போட்டு தேவையான உப்பு மஞ்சள் தூள் போட்டு கலந்து கொள்ளவும். ஒரு பாத்திரத்தில் 4 தேக்கரண்டி எண்ணெய் ஊற்றிக் காய்ந்ததும் கறியை அதில் போட்டு 1/8 படி தண்ணீர் ஊற்றி லேசான நெருப்பில் வேக வைக்கவும். கறி நன்கு வெந்து தண்ணீர் வற்றிய பின் சிறிது கொத்தமல்லி இலை நறுக்கிப்போட்டு சிவக்க வதக்கி எடுக்கவும்.
வறுத்த நண்டுதேவை:நண்டு – 5இஞ்சி – 1 அங்குலம்சின்ன வெங்காயம் – 50 கிராம்மல்லி (தனியா) – 2 தேக்கரண்டிதக்காளி – 1சிகப்பு மிளகாய் – 10சீரகம் – 1 தேக்கரண்டிபூண்டு – 5 பல்பெரிய வெங்காயம் – 3
செய்முறை: நடுத்தரமான அளவு நண்டுகள் 5 எடுத்து ஓடு நீக்கி, சுத்தம் செய்து கொள்ளவும். 10 சிகப்பு மிளகாய்கள், 1 அங்குலம் இஞ்சி, 1 தேக்கரண்டி சீரகம், 50 கிராம் சின்ன வெங்காயம், 5 பல் பூண்டு, 2 தேக்கரண்டி மல்லி (தனியா) இவற்றை அரைத்துக் கொள்ளவும். 3 பெரிய வெங்காயத்தை நீளவாக்கில் நறுக்கிக் கொள்ளவும். 1 தக்காளியை மெல்லியதாக நறுக்கவும். வாணலியில் இதயம் நல்லெண்ணெய் 10 தேக்கரண்டி ஊற்றி காய்ந்ததும், வெங்காயம், தக்காளி, கறிவேப்பிலை போட்டு வதக்கவும். இத்துடன் அரைத்த மசாலாவையும் சேர்த்து வதக்கி, வதங்கிய பின் 1 டம்ளர் தண்ணீர் ஊற்றி, தேவையான உப்பு, மஞ்சள் தூள் சேர்க்கவும். தண்ணீர் கொதித்தும் நண்டுகளைப் போடவும். நண்டுகள் வெந்து நன்கு வதங்கிய பின் இறக்கவும்.
கறிக்கோலா உருண்டை குழம்புதேவை:கொத்துக்கறி – 1/2 கிலோசின்ன வெங்காயம் – 100 கிராம்பெருஞ்சீரகம் – 3 தேக்கரண்டிசீரகம் – 3 தேக்கரண்டிபொட்டுக்கடலை – 50 கிராம்பச்சை மிளகாய் – 5மிளகாய் வற்றல் – 15தேங்காய் – 1 முடிமுட்டை – 2பெரிய வெங்காயம் – 3பூண்டு – 50 கிராம்கசகசா – 2 தேக்கரண்டி
செய்முறை: 1/2 கிலோ கொத்துக்கறியை சுத்தம் செய்து தண்ணீர் வற்றும் படியாக வதக்கி, இறக்கிக் கொள்ளவும். 3 பெரிய வெங்காயம், 100 கிராம் சின்ன வெங்காயம், 50 கிராம் பூண்டு, 3 தேக்கரண்டி பெருஞ்சீரகம் 3 தேக்கரண்டி சீரகம், 50 கிராம் பொட்டுக்கடலை இவற்றைத் தயாராக எடுத்துக் கொள்ளவும். வாணலியில் 3 மேஜைக்கரண்டி இதயம் நல்லெண்ணெய் ஊற்றி காய்ந்ததும் மேற்கூறிய பொருட்கள் அனைத்தையும் நன்றாக வதக்கவும். வதங்கிய பின் ஆற விடவும். ஆறிய பின் அரைத்துக் கொள்ளவும். கசகசா 2 தேக்கரண்டி, 5 பச்சை மிளகாய், 15 மிளகாய் வற்றல், தேங்காய் 1 முடி துருவியது ஆகியவற்றைத் தனியாக வதக்கி, ஆறிய பின் அரைத்துக் கொள்ளவும். 2 முட்டைகளின் வெள்ளைக்கருவை மட்டும் எடுத்து, முட்டை அடிக்கும் கருவினால் நன்கு அடித்துக் கொள்ளவும். மஞ்சள் கரு ஒன்றினை எடுத்து முட்டை தனியே வைத்துக் கொள்ளவும். வதக்கிய கொத்துக்கறியை உரலில் போட்டு தேவையான உப்பு சேர்த்து ஆட்டிக் கொள்ளவும். ஆட்டிய கறியுடன் அரைத்த மசாலாக்கள் சிறிது மஞ்சள் தூள், அடித்து வைத்துள்ள மஞ்சள் கரு ஆகியவற்றைக் கலந்து, பிசைந்து உருண்டைகளாக தயாரித்துக் கொள்ளவும். வாணலியில் 300 கிராம் இதயம் நல்லெண்ணெய் ஊற்றி, காய்ந்ததும் உருண்டைகளை கொஞ்சம் கொஞ்சமாக போட்டு பொரித்து எடுக்கவும். (குழம்பு தயாரிப்பதனால் உருண்டைகளைப் பொரிக்காமல் தயாரித்துக் கொள்ளவும்.)
கொடிக்கறிக் குழம்புசெய்முறை: கொடிக்கறியை சிறிது நேரம் ஊற வைக்கவும். பின் கொடிக்கறியை கறியும் காய்கறியும் சேர்த்து வைக்கும் குழம்புகள் மாதிரியே, தனியாகவோ காய்கறிகள் சேர்த்தோ குழம்பு செய்யலாம்.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s